Traffic

Home/Pusiziuns/Traffic

La mobilità crescha e crescha e crescha. I para oz nunpussaivel ch’ils Grischuns hajan scumandà anc fin il 1925 la circulaziun dad automobils. Els vesevan mo consequenzas negativas, eran memia radicals o memia conservativs e n’appreziavan betg ils avantatgs evidents. Ina battaglia persa cunter il progress tecnic. Malgrà tut: areguard las consequenzas negativas n’han els betg gì uschia tort. Oz èn ils donns da l’ambient e da la sanadad tras il traffic individual motorisà cumprovads scientificamain, els èn donns collectivs tgi paisan enormamain sin la societad.

Intgins puncts da vista

Vegnan cuntanschidas las finamiras per la reducziun da las emissiuns dal CO2?

Segund las statisticas federalas igl n’è betg stà pussaivel da reducir signifitgantamain las emissiuns nuschaivlas. Ed il CO2 producì da carburants è anc adina pli aut ch’il 1990. E quai era damai che la Svizra dispona d’ina flotta d’autos novs tgi baiva memia bler en cumparaziun cun l’Europa. Uschia n’ademplescha ella betg l’obligaziun da reducir ils gas cun effect da serra (accord da Kyoto). Igl è necessari dad introducir finalmain era sin il benzin ed il diesel la taxa sin COsco instrument effizient per reducir las emissiuns nuschaivlas – cun restituir las entradas parzialmain a la populaziun e l’economia.

Igl è necessari da construir in segund tunnel d’autostrada al Gottard?

Na. Il pievel svizzer – ed era quel dad Uri e dal Tessin – vulan spustar il traffic da transit da la via sin ils binaris e pia fiss quai cuntraproductiv da redublar la purschida stradala sin la colliaziun nord-sid. Ils problems pervia da la serrada dal tunnel en connex cun las lavurs da sanar sa laschan schliar cun trens-navetta per camiuns ed autos. En il 2016 vegn inaugurà era il nov tunnel da basa dal Gottard che garantescha al Ticino ina colliaziun da viafier segira cun il rest da la Svizra. Sanar il tunnel da l’autostrada pia gea, dentant senza ina segonda galeria chareschia e la farsa dal diever da quella sin in sulet vial!

Sco vegn ad esser la mobilitad dal avegnir?

La mobilitad individuala sa sviluppa in direcziun dad autos d’ibrid e d’electricitad, la cumpatibilitad ambientala dependa co cha l’energia vain producida.

Vegn la mobilitad a crescher fin che colonnas e stagnaziuns dal traffic daventan insupportablas? Tenor l’uffizi federal per il svilup dal territori (ARE) s’augmenta il traffic anc per 25-30% entaifer il 2020. Uschia igl è meglier da promover cun prioritad il traffic public sco che l’iniziativa dal club da traffic (VCS) recumanda.

Bunas perspectivas posseda il traffic betg motorisà da peduns e ciclists, per exempel cun las zonas urbanas da traffic limità e la rait spessa cun vias da velo sco che quai vegn postulà cun l’iniziativa dal pievel per il velo (www.velo-initiative.ch).